Пойтахт туманларидаги коллекторлар янгиланмоқда
Тошкент шаҳрида магистрал сув қувурлари ва канализация коллекторларини янгилаш ҳамда ирригация тизимини тиклаш бўйича 2023 йил бошида шакллантирилган ишлар режаси асосида 11 та туманнинг 45 та объектида қурилиш-монтаж, реконструкция ишлари олиб борилмоқда.
Янги тармоқларни қуриш ишларида сув сарфидан келиб чиқиб турли диаметрли 10 та янги темир-бетон коллекторлар, ирригация тармоқларига темир-бетон лотоклар ва насос станцияларига қўшимча насос ускуналари ўрнатилмоқда.
Қурилиш-монтаж ишларидан кўзланган асосий мақсад аҳолига қулайлик яратиш, куз-қиш мавсумига пухта тайёргарлик кўриш, ёғингарчилик яқинлашаётган паллада шаҳарда ёмғир сувлари тўпланиши натижасида сув тошишининг олдини олиш, шаҳардан тошган сувларни беталафот чиқариб ташлашдан иборат.
Гулноза Бобоева, ЎзА