FOTOREPORTAJ

Poytaxtimizdagi Simpoziumlar saroyida to‘rtinchi “Ustozlar milliy forumi”ning Toshkent shahar bosqichining yopilish marosimi bo‘lib o‘tdi. Unda 600 nafardan ortiq soha vakillari ishtirok etdi. 

Maktabgacha va maktab ta’limi vaziri E’zoza Karimova tizimda amalga oshirilayotgan ishlar, tub ijobiy o‘zgarishlar xususida batafsil so‘zladi. 

[gallery-24819]

Tadbirda qayd etilganidek, Toshkent shahrida ham yangi o‘quv yilida ko‘plab maktabgacha va maktab ta’limi tashkilotlari faoliyat boshlaydi. Ularda yosh avlodning bilim va tarbiya olishi uchun zarur barcha sharoit va imkoniyatlar yaratilmoqda. 

Forum mashg‘ulotlari davomida pedagoglar ta’limga yangicha yondashuvlar, yangilangan o‘quv dasturlari, darsliklar, ilg‘or innovatsion loyihalar bilan batafsil tanishdilar. 

Tadbir doirasida sohada uzoq yillardan beri faoliyat olib borayotgan bir guruh ustozlar “Xalq ta’limi a’lochisi” ko‘krak nishoni bilan taqdirlandi.                    

Nosirjon HAYDAROV(surat),O‘zA