Баҳорий байрамларнинг ўзгача бир гашти бор. Атроф яшилликка бурканади, ободонлаштириш, кўкаламзорлаштириш орқали янгиланиш юз беради. Она табиатдаги уйғониш, инсонларга кўчади, илҳом манбаига айланади. Айниқса, баҳорнинг илк кунлари гўзал хотин-қизларимизнинг байрами бўлмиш «Халқаро хотин-қизлар куни»ни нишонланиши ҳам ушбу фаслга ўзгача шукуҳ бахш этади. Жумладан, Учтепа туманидаги 229 умумий ўрта таълим мактаби ўқувчилари устозларини табриклаш, ўз истеъдодларини ва иқтидорларини намойиш этиш учун алоҳида тайёргарлик кўришди.

Аёлнинг нафосати ва назокати, вафо ва садоқати, ақл-заковати ва фидойилиги болажонларнинг чиқишларида, самимий табрикларида яна бир бор янгради. Ижро этилган шеър-қўшиқлар, миллий ва хорижий рақс, ранг-баранг саҳна кўринишлари барчага бирдек манзур бўлди.

Шунингдек ўқувчилар ўртасида миллий қадриятларимизни ўзида мужассам этган турли хил йўналишлардаги кўрик танлов ва белашувлар ҳам ўзгача завқ бағишлади.

<iframe width="650" height="420" src="https://www.youtube.com/embed/66v9Ds8sRso" title="Poytaxt maktablarda bayram shukuhi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Ойбек Давронов, Салим Обиджонов, ЎзА