Брифингда муҳим савол ва мурожаатлар юзасидан жавоб қайтарилди. Улардан бирида ташкил этилган постларда нега қуролланган ҳарбийлар туришибди, деб сўралди. Бу аҳолида ваҳима уйғотяпти. Бизда уруш бўлмаяпти-ку?

-Бу зарурат, юртимизда коронавирус пандемияси тарқалиши билан боғлиқ, -дейди Шоҳрух Ғиёсов. -Аввало, аҳолининг санитария-эпидемиологик осойишталигини таъминлаш ва касалликнинг мамлакатимизда кенг тарқалиб кетишини олдини олиш ҳамда назоратдан чиқмасликни таъминлаш мақсадида белгиланган чора-тадбирлардан биридир.

Бу ҳолатни оддий қабул қилишни ҳамда белгиланган тартиб-қоидаларга тўлиқ риоя этган ҳолда, ўзингиз ва оилангиз хавфсизлиги нуқтаи назаридан ёндашишингизни маслаҳат берган бўлардик.