Португалияның Помбал қаласындағы қазба жұмыстары кезінде динозаврдың қалдықтары табылды, бұл Еуропада бұрын-соңды табылған ең үлкен динозаврдың қалдықтары.

The Guardian басылымының хабарлауынша, қазба жұмыстары 2017 жылы сайт иесі қазбаларды тауып, Лиссабон университетіне өтініш бергеннен кейін басталған.

Оқиға орнында Испания мен Португалиядан келген палеонтологтар жұмыс істеп жатыр. Олар омыртқа мен қабырғаларды тапқан. Мамандар бұл аумақты қазуды жалғастырмақ.

Сарапшылардың пікірінше, табылған динозаврдың сүйегі, сауроподтарға жататын (мойны мен құйрығы ұзын төрт аяқты шөпқоректі динозаврлар тобы. Бұл жер бетінде бұрын-соңды жүрген ең ірі жануарлар) брахиозавридтер тобының мүшесі.

Табылған динозаврдың биіктігі 12 метрге, ұзындығы 25 метрге жеткен. Болжам бойынша оның жасы шамамен 150 миллион жыл.