Мамлакатимизда бўлиб ўтаётган футзал бўйича жаҳон чемпионати гуруҳ ўйинлари якунига етди. Олтита гуруҳда биринчи ва иккинчи ўринни эгаллаган, шунингдек, энг яхши кўрсаткичга эга тўртта жамоа чемпионатнинг 1/8 финали ўйинларида иштирок этади.

Чемпионатнинг 1/8 финали доирасидаги Португалия – Қозоғистон, Испания – Венесуэла учрашуви Андижондаги универсал спорт мажмуасида бўлиб ўтади. 

[gallery-19413]

Мазкур учрашувларда қатнашиш учун Андижонга Португалия ва Венесуэла терма жамоалари ҳам етиб келди. Меҳмонларни футбол мухлислари, кенг жамоатчилик вакиллари тантана билан кутиб олди. 

Эслатиб ўтамиз, 25 сентябрь куни Испания – Венесуэла, 26 сентябрь куни Португалия – Қозоғистон учрашуви бўлиб ўтади. 

Ф. Убайдуллаев, З. Умрзоқов (фото), ЎзА мухбирлари