Portugaliya hukumati Ukrainaga 315 tonnaga yaqin harbiy yordam o‘tkazdi. Bu haqda Portugaliya mudofaa vaziri Elena Karreyras bayonotiga asoslanib, Diario de Noticias xabar bermoqda.

«Ayni paytda biz 315 tonna materiallar, jumladan shaxsiy himoya vositalari, o‘q-dorilar, qurol-yarog‘lar, shuningdek, tibbiy-sanitariya materiallari, transport vositalari, dronlar - umuman, Ukraina tomoni bizdan so‘ragan turli xil materiallarni etkazdik», dedi vazir. 

Karreyras Kiyev allaqachon Portugaliya qurolli kuchlaridan 14 ta MC-113 bronetransportyorini olganini tasdiqladi.

Avvalroq Pentagon rahbari Lloyd Ostin Ukrainaga harbiy yordamning yangi paketiga yana to‘rtta ko‘p uchiruvchi raketa tizimi  kiritilishini aytgan edi. Shuningdek, yaqinda taqdim etiladigan Qo‘shma Shtatlardan yangi yordam paketi MLRS va artilleriya uchun o‘q-dorilarni o‘z ichiga oladi.