Футболдан Португалия құрамасының бұрынғы бас бапкері Фернанду Сантуш Польша құрамасының бас бапкері болып тағайындалды.

Бұл туралы әлеуметтік желі арқылы Польша футбол федерациясының президенті Цезарь Кулеша хабарлап, Фернанду Сантушпен түскен суретін жариялады. Ресми таныстыру сейсенбіге жоспарланған. 

TVP Sport басылымының дерегінше, жаңа бапкерге Еуро-2024-ке бару міндеті жүктелген.

Сантус Португалия құрамасымен 2016 жылы Еуропа чемпионатында және 2019 жылы Ұлттар лигасында жеңіске жеткен. 2022 жылғы әлем чемпионатында ұлттық құрамамен ширек финалға дейін жетті.