Фуқаро Ш.А. олтин конларида ишлатишга мўлжалланган портловчи қурилма “яратди”. У ноқонуний равишда олтин заррачаларини портлатиб олиш мумкин бўлган “кашфиёти”ни фуқаро К.Ҳ.га кўрсатиб, унга олтин қазиб олиш ишларига ўзини “шерик” қилиб олишни таклиф қилди.

Ш.А. қўлбола усулда тайёрланган 14 дона қурилмани К.Ҳ.га берган вақтида Бош прокуратура ҳузуридаги Департамент ҳамда ДХХнинг Навоий вилояти бошқармалари томонидан ИИБ ходимлари билан ҳамкорликда ўтказилган тезкор тадбирда ашёвий далиллар билан ушланган.  

Департамент матбуот хизматидан маълум қилишларича, мазкур ҳолат юзасидан жиноят иши қўзғатилиб, терговга тегишлилиги бўйича юборилди.  

 ЎзА