Polvonlarimizning g‘alabali odimlari davom etmoqda
Turkiyaning Konya shahrida o‘tayotgan Islom birdamligi o‘yinlarida sportchilarimiz ulkan muvaffaqiyatlarga erishmoqda.
Jumladan, yunon-rum kurashchimiz Jalgasbay Berdimuratov musobaqaning -87 kg. vazn toifasida mamlakatimiz sharafini himoya qilib, final bahsida eronlik Ramin Soltanmurodni 11:2 hisobida yengdi va oltin medal sohibiga aylandi.
Shuningdek, yunon-rum kurashchilarimizdan Muhammadqodir Yusupov va Abror Ataboyev o‘z vazn toifasida bronza medalni qo‘lga kiritdi.
O‘zA