Ўтган ойнинг сўнгги кунларида Иорданиянинг Амман шаҳрида спорт курашлари бўйича катталар ўртасидаги Осиё чемпионати ўтказилди. Унда Ўзбекистон терма жамоаси 3 та олтин, 2 тадан кумуш ва бронза медалларини қўлга киритди.

Жумладан, юнон-рум кураши беллашувларида Айтжан Халмаханов(-63 кг.) Арам Варданян (-77 кг.), Жалгасбай Бердимуратов (-87 кг.) олтин медалга сазовор бўлган бўлса, Алишер Ғаниев (-60 кг.) ва Абдулла Алиев (-72 кг.) кумуш медалга эга чиқди. Ихтиёр Ботиров (-55 кг) бронза медали билан тақдирланди.

Шу тариқа, қитъа биринчилигида юнон-рум кураши бўйича ўтган баҳсларда Ўзбекистон терма жамоаси аъзолари 3 та олтин, 2 та кумуш, 1 та бронза медалини қўлга киритиб, умумжамоа ҳисобида иккинчи ўриндан жой олди.  

Чемпионатнинг аёллар кураши баҳсларида -65 кг вазн тоифасида курашган 18 ёшли Шаҳзода Алланиязова бронза медали соҳибига айланди. Афсуски, эркин кураш йўналишида вакилларимиз бирорта ҳам медалга эга бўлмади.  

Жавоҳир Тошхўжаев,

ЎзА