Польшанинг “Flexi Job” ташкилоти раҳбари билан учрашув ўтказилди
Ташқи меҳнат миграцияси агентлиги бошлиғи ўринбосари А.Юнусов ва масъул ходимлар, “Flexi Job” ташкилоти раҳбари Мичал Кик иштирок этган учрашувда мазкур ташкилот билан икки томонлама ҳамкорликни ўрнатиш ва Ўзбекистон фуқароларини ташкиллаштирилган ҳолда Польша давлатига вақтинчалик меҳнат фаолиятини амалга ошириш учун жалб қилиш масалалари муҳокама қилинди.
Учрашувда маълум қилинганидек, “Flexi Job” ташкилоти рекрутинг компания бўлиб, мутахассисларни қурилиш, ҳайдовчилик ва бошқа соҳаларда Польша ва Германиядаги корхоналарга ишлашга жалб қилиш билан шуғулланади.
Учрашув давомида ушбу ташкилот томонидан 500 нафарга яқин Ўзбекистон фуқароларини кушхоналарга (гўштни қайта ишлаш) ишга жалб қилиш юзасидан музокаралар олиб борилди.
Учрашув якунида икки давлат ўртасида меҳнат миграцияси соҳасида самарали ҳамкорлик алоқаларини янада кенгайтириш юзасидан келишиб олинди.