Польшага кўчирилган америкалик дипломатлар Украинага қайтмоқда
Хавфсизликни таъминлаш мақсадида Польшага кўчирилган америкалик дипломатлар Львовга қайта бошлади.
“ТАСС” бу ҳақда “CNN” манбасига асосланиб хабар тарқатган.
“CNN” ўз маълумотида барча дипломатларнинг қайтиши ёки улар Львовда қанча муддат бўлишига аниқлик киритмаган.
Аввалроқ Штатларнинг Украинадаги ваколатхонаси ходимлари кундузи ўз иш жойида бўлиб, тунаш учун Польшага бориши мумкинлиги ҳам айтилганди.
Украина шарқидаги ўзини мустақил деб эълон қилган республикаларнинг Россия томонидан тан олинганидан сўнг Қўшма Штатлар маъмуриятидагилар Россиянинг Украинага ҳужум қилиш хавфи сақланиб турганлиги бўйича баёнот берган.