Якшанба куни Варшава-Люблин йўналишидаги темир йўл линияси шикастлангани маълум бўлди, деб ёзмоқда “Reuters” нашри.

– Воқеа жойида тезкор хизматлар ва прокуратура ишламоқда. Бу ҳолат қўпорувчилик ҳаракати бўлиши мумкин, - деб ёзди Польша бош вазири Дональд Туск “Х” ижтимоий тармоғида.

Бироқ кейинчалик ўлка полицияси Украинага олиб борувчи темир йўл релслари портлаш оқибатида шикастланганини рад этди.

Ҳодисага нима сабаб бўлгани ҳозирча номаълум.

Ў.Алимов, ЎзА