Польшаның LOT Polish Airlines компаниясы Өзбекстанға тұрақты рейстерді бастады.

Uzbekistan Airports мәліметінше, әуе компаниясының Boeing 737 MAX 8 ұшағы 14 наурызда жергілікті уақыт бойынша сағат 9:00-де Ташкент әуежайына қонды.

«Бүгін LOT Polish Airlines компаниясының тағы бір бағыты ашылды. Өзбекстан - әлемдегі ең қызықты елдердің бірі және поляк пен еуропалық саяхатшыларға көп нәрсе ұсынады. Біздің ұшақ бортында Орталық Азияның жүрегіне жету мүмкіндігі Польша мен Өзбекстан арасындағы туризм мен экономикалық ынтымақтастықты одан әрі дамытуға серпін болатынына сенімдімін. Біз бұл бағытты Өзбекстан азаматтарының мүддесін ескере отырып аштық. Қолайлы транзиттік пункт болып табылатын Варшаваның Chopin әуежайынан өзбекстандықтар әлемнің 80-ге жуық қаласына жете алады», - деген әуе компаниясының бас директоры Михал Фийол.

Ташкент-Варшава-Ташкент бағыты бойынша рейстер аптасына үш рет – дүйсенбі, бейсенбі және сенбі күндері орындалады.

LOT Polish Airlines — 1929 жылы негізі қаланған поляк авиакомпаниясы, штаб-пәтері Варшавада. Әуе компаниясының паркінде 80-ге жуық ұшақ бар, ал оның желісі 100-ден астам әртүрлі бағыттарды қамтиды.