Польша бош вазири Матеуш Моравецкийнинг баёнот беришича, Евроиттифоқ Украинага ташкилотга аъзо бўлиши учун тезроқ номзод мақомини бериши лозим.

"ЕИ Украинага тезроқ номзод мақомини бериши керак ва Украинани ЕИга таклиф қилиши лозим", – деди Моравецкий Киевда Украина президенти билан учрашувдан кейин.

Бундан ташқари,  Моравецкий Зеленский билан учрашганда Украинага қурол етказиб беришни давом эттиришга ваъда қилган. "Биз мудофаа учун қурол етказиб беришни ташкил этишга ҳаракат қиламиз. Биз биргамиз", – деган у.

Кеча Польша бош вазири Матеуш Моравецкий, хавфсизлик масалалари бўйича бош вазирнинг биринчи  ўринбосари Ярослав Качиньский, Чехия ва Словения бош вазирлари Петр Фиала ва Янез Янша Киевга келиб президент Зеленский билан учрашув ўтказган эди.