Польша “Вагнер” жангчилари ва Беларусдаги рус аскарлари фаоллашуви асносида яқин келажакда мунтазам армияни, қарийб, икки баробар кучайтириш ниятида. Бу ҳақда Бош вазир ўринбосари Ярослав Качиньский “Polskie Radio”га маълум қилган.

Мулозимнинг сўзларига кўра, мамлакатда ҳозирги уч бўлинма ўрнига етти бўлинма ташкил этилади: олтитаси жанговар, еттинчиси захира.

– Биз ҳарбий қисмларни тиклаяпмиз, янгиларини яратяпмиз, – деди Качиньский. – Ҳозир олтинчи дивизия шаклланяпти. Варшава НAТОнинг шарқий қанотида қалқон бўлиш учун Европадаги энг кучли қуруқлик армиясини яратишга интилмоқда.

 ЎзА