Мельбурн шаҳрида теннис бўйича эркаклар ва аёллар ўртасида "Катта дубулға" туркумидаги “Australian Open – 2026” мусобақаси асосий тўр баҳсларининг биринчи даврасида ўзаро рақобатлашадиган теннисчилар номи аниқланди.

Биз учун аҳамиятлиси, ушбу мусобақада терма жамоамизнинг 2 нафар аъзоси – Камилла Раҳимова ва Полина Кудерметова иштирок этади. Бироз аввал Камилла Раҳимова АҚШ вакили Коко Гауфф билан тўқнаш келиши ҳақида хабар берган эдик. Энди эса мамлакатимизнинг учинчи рақамли теннисчиси Полина Кудерметованинг биринчи даврадаги рақиби аниқ бўлди.  

Жумладан, Полина илк босқичда испаниялик Гуёмар Де Реалес билан рақобатлашади. Маълумот ўрнида, асосий тўр баҳсларининг биринчи давра ўйинлари 18 январь куни старт олади. Унда 128 нафар иштирокчи иккинчи босқичда баҳслашади.  

Жавоҳир Тошхўжаев, ЎзА