Бутунжаҳон аёллар теннис уюшмаси томонидан Австралияда ўтказилаётган “Canberra Challenger” халқаро турнирининг асосий тўр баҳсларида Ўзбекистон терма жамоаси аъзоси Полина Кудерметова финалга йўл олди.

Полина яккалик беллашувларда финал йўлланмаси учун ўтган баҳсда япониялик Ҳимено Сакатсумега қарши кортга чиқиб, якунда 7:5, 6:2 ҳисобида зафар қучди.

Энди П.Кудерметова “Canberra Challenger” халқаро турнирининг бош соврини учун ўтадиган сўнгги беллашувда Тайвань шарафини ҳимоя қилаётган Йоханна Гарландга қарши кортга чиқади. Маълумот учун ушбу учрашув ғолиби 33 минг 650 АҚШ доллари пул мукофоти ва WTA рейтингининг 125 очкосига эга чиқади.

Жавоҳир Тошхўжаев,

ЎзА