Австралияда аёллар ўртасида теннис бўйича “Canberra Challenger” турнирининг асосий тўр баҳслари биринчи давра учрашувлари старт олди.

Биз учун аҳамиятлиси, мазкур мусобақада яқинда Ўзбекистон терма жамоаси аъзосига айланган 22 ёшли Полина Кудерметова илк босқичда нейтрал мақомдаги теннисчи Алина Корнеева билан куч синашди. Икки сет давом этган ушбу тўқнашувда теннисчимиз 6:2, 6:3 ҳисобида зафар қучди ва кейинги даврага ўтди.

Энди Полина Кудерметова 7 январь куни мазкур нуфузли турнирнинг 1/16 босқичида сербиялик Лола Радивоевичга қарши кортга чиқади.

Афсуски, Полина “Canberra Challenger” турнирининг жуфтлик баҳслари биринчи даврасида италиялик Люсия Бронцетти билан тандемда кутилмаганда мағлубиятга учради ва ушбу йўналишдаги иштирокини эрта якунлади.

Жавоҳир Тошхўжаев,

ЎзА