92 жастағы Бийа 1982 жылдан бері елді үздіксіз басқарып келеді. Ол 2008 жылы президенттік мерзімге қойылған шектеуді жойып, өз билігін ұзартуға жол ашқан болатын.

«Arab News» басылымының хабарлауынша, Орталық Африка елінің Конституциялық кеңесі жариялаған ресми нәтижелерге сәйкес, Пол Бийа сегізінші мерзімге қайта сайланды.

Биылғы сайлауда оның ең басты қарсыласы – халық арасында зор қолдауға ие болған, оппозициялық партиялар мен азаматтық қоғам топтарының коалициясы ұсынған 70 жастағы бұрынғы еңбек министрі Исса Чирома Бакари болды.