Pokistonda so‘nggi bir necha kun yoqqan kuchli musson yomg‘iri aholi uchun falokatga aylandi. Natijada kamida 45 kishi tabiiy ofat qurboniga aylandi.

Mahalliy “Geo” telekanali xabar berishicha, marhumlarning ko‘pchiligi – 21 kishi Xayber-Paxtunxva muzofotida yashagan.

– Sind, Balujiston va Panjob viloyatlaridan ham o‘lim haqidagi ma’lumotlar kelib turibdi, – deyilgan axborotda. – Kuchli yomg‘ir, bo‘ron va momaqaldiroq mo‘rt inshoot, elektr uzatish tizimi, reklama taxtasi, transport vositasi va quyosh batareyalariga zarar yetkazdi. Tog‘li hududlarda yuzaga kelgan ko‘chki yo‘llarni to‘sib qo‘ygan.