7 октябрь куни жангарилар Афғонистон чегараси яқинида Покистон ҳарбий карвонига пистирма уюштириб ҳужум қилган, оқибатда 11 аскар ҳалок бўлган эди. "Reuters" нашри ёзишича, бугун Покистон ҳарбийлари ҳужум учун жавобгарликни зиммасига олган “Теҳрик-э-Толибон Покистон” (ТТП) гуруҳининг 30 нафар жангариси йўқ қилингани ҳақида хабар тарқатди.

Бундан ташқари Ислом Республикаси Ҳиндистон жангариларни қўллаб-қувватлаётгани, террорчилик ҳаракатларини амалга ошираётган гуруҳларни молиялаштираётгани ҳақида даъво қилган.

2007 йил Покистонда ташкил этилган ТТП ташкилотининг мақсади радикал шариат қонунларига асосланган ислом давлатини барпо этиш. Гуруҳ ҳарбий ва фуқаролик объектларига уюштирилган кўплаб ҳужумлар, жумладан терактлар учун жавобгарликни бўйнига олган.

Тузилмага 2018 йилдан буён 46 ёшли Нур Вали Мақсуд етакчилик қилиб келади.

С.Раҳимов, ЎзА.