Мамлакатимизда божхона органлари томонидан қимматбаҳо металл ва тошлардан ясалган заргарлик буюмларининг ноқонуний айланмасига қарши самарали кураш олиб борилмоқда.

Жумладан, Тошкент шаҳар божхона бошқармаси “Бош почтампт” божхона постига хориждан юртимизда истиқомат қилувчи фуқаро номига келтирилган почта жўнатмаси белгиланган тартибда божхона кўригидан ўтказилди. Жўнатмада почта декларациясида қайд этилмаган қиймати 300 миллион сўмдан зиёдни ташкил этувчи 19 турдаги 273 грамм оғирликдаги заргарлик буюмлари борлиги аниқланди.  

 Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.  

 Шаҳноза Маматуропова, ЎзА