Ресейлік «Победа» әуе компаниясы 3 сәуірден бастап Мәскеу мен Ташкент арасында рейс ашады.

«Uzbekistan Airports» мәліметінше, әуе компания Мәскеу мен Ташкент арасында күнделікті жолаушылар рейсін Boeing 737-800 ұшақтарымен орындауды жоспарлаған.

Бүгінде авиакомпания Мәскеу-Самарқанд-Мәскеу, сондай-ақ Санкт-Петербург-Самарқанд-Санкт-Петербург бағыты бойынша күнделікті рейстерді сәтті орындап келеді.

«Победа» – штаб-пәтері Внуково (Мәскеу) әуежайында орналасқан ресейлік «Аэрофлот – Ресейлік авиалиниялар» тобына жататын лоукостер.