Европа футбол уюшмалари федерацияси (УЕФА)нинг собиқ раҳбари Мишель Платини энди футбол дунёсида ҳеч қандай раҳбарлик лавозимига даъвогарлик қилмаслигини эълон қилди.

Хабар берганимиздек, аввалроқ Швейцария суди Халқаро футбол федерациялари уюшмаси (ФИФА) собиқ раҳбари Блаттер ва Платинига қўйилган айблов ишига нисбатан оқлов ҳукмини чиқараганди.

- Мен тинч яшашни хоҳлайман. ФИФА, УЕФА ва Франция футбол федерацияси раҳбарлигига номзодимни қўймасликка қарор қилдим ва бу ҳақда баланд овозда гапиришни истадим, - дея интервью берди Платини “Франс Пресс” ахборот агентлигига.

Эслатиб ўтамиз, Платини 2007-2015 йиллари УЕФАни бошқарган ва ФИФАдаги коррупция ҳолати бўйича тергов туфайли лавозимидан четлатилганди.

Т. Рўзиев, ЎзА