Пәкістанның Карачи қаласындағы Малир түрмесінде орын алған төтенше жағдайдан 216 тұтқын қашып кетті.

Алынған мәліметтерге сәйкес, жер сілкінісіне байланысты жүргізілген эвакуация барысында 600-ден астам тұтқын түрме ауласынан шығарылған. Сол сәттегі тәртіпсіздік пен дүрбелең кезінде тұтқындардың бір бөлігі түрменің бас қақпасы арқылы қашып шыққан.

Тәртіп сақшылары 80-ге жуық қашқынды қайта ұстауға қол жеткізді. Қалғандарына іздеу жарияланып, олардың жүрген жерін анықтау бойынша жедел шаралар қабылдануда.

Оқиға салдарынан төрт қызметкер жарақат алып, бір тұтқынның қаза тапқаны хабарланды.