Пәкістанның Белуджистан провинциясының Кветта қаласында маусымдық Муссон жаңбыры салдарынан болған су тасқыны мен қирау құрбандарының саны 25 адамға жетті.

Провинциялық Табиғи апаттарды басқару басқармасының (PDMA) бас директоры Насир Ахмад Насардың айтуынша Кветта ауданында 300-ден астам балшықпен қапталған үйлер зақымдалған. Қаза тапқандар саны артуы мүмкін деген қауіп бар, өйткені бірнеше адам із-түзсіз жоғалып кеткен.

Табиғи апат салдарынан билік бұл елде төтенше жағдай жариялады.

Су тасқыны мен жел электр желілерін үзіп, қала мен оның маңындағы аудандардың тұрғындары электр жарығынсыз қалған.

PDMA мәліметінше, муссондық жаңбыр провинцияның әртүрлі аудандарында бейсенбіге дейін жалғасады деп күтілуде.