Пәкістанның Жоғарғы соты бұрынғы премьер-министр, «Әділет қозғалысының» төрағасы Имран Ханның қамауға алынуын заңсыз деп тапты.

Geo-TV хабарынша, Имран Ханның қамауға алынуын Жоғарғы сот заңсыз деп танып, билікке оны дереу босатуды бұйырған.

Бірнеше күн бұрын Хан сыбайлас жемқорлыққа қатысы бар деген айыппен қамауға алынды. Бұрынғы премьер-министр «Al Kadeer Trust» компаниясының қаржы жымқыру ісі бойынша тыңдау өткен сот залында қамауға алынды.

2022 жылдың қазан айында Пәкістанның Сайлау комиссиясы оны парламенттік мандатынан, сондай-ақ елдің федералды және аймақтық заң шығарушы органдарына бес жылға сайлану және тағайындалу құқығынан айырды. Комиссия ханға қарсы шешім шығарып, оны Ташаханда (Пәкістанның мемлекеттік қазынасы) сақтаулы тұрған 52 құнды дүниесін сатып, өзі алған сыйлықтары туралы мәліметтерді жасырды деп тапты.

Саясаткердің қамауға алынуы тәртіпсіздіктер мен Ханның жақтастары мен полиция арасындағы қақтығыстарға әкелді.