Пәкістан үкіметі Израиль премьер-министрі Биньямин Нетаньяхуды ресми түрде террорист деп жариялады.

VOA News хабарлауынша, үкімет бұл шешімді әсіре оңшыл наразылық білдірушілердің қысымымен жариялаған. Резолюцияда Израиль көшбасшысының палестиналықтарға қарсы соғыс қылмыстары үшін жауап беруі талап етіледі.

Пәкістан премьер-министрі Шахбаз Шариф қол қойған шешімді саясат және қоғамдық істер жөніндегі мемлекеттік кеңесші Рана Санаулла мәлімдеме түрінде оқыған. Қарар жобасы «Тахрики Лаббаик Пәкістан» (ТЛП) исламдық партиясының өтініші мен ынтымақтастығы бойынша әзірленген.

«Нетаньяху - террорист және әскери қылмыстарды жасаушы. Ол террорист деп танылып, халықаралық қылмыстары үшін жауап беруі керек», - деген мемлекеттік кеңесші Рана Санаулла.