“Ўзбекипаксаноат” уюшмасида уюшма бошқарув раиси О.Жумаев бошчилигида бошқарма бошлиқлари, ҳудудий “Агропилла” МЧЖ раҳбарлари, пиллани қайта ишлаш корхоналари раҳбарлари ва таъсисчилари иштирокида ЗООМ платформаси орқали онлайн йиғилиш бўлиб ўтди.

Йиғилишда Президентимиз раҳбарлигида жорий йил 8 сентябрь куни тармоқ ва ҳудудларда саноат маҳсулотлари ишлаб чиқаришни ошириш бўйича мавжуд имкониятлар ва янги захираларни сафарбар этишга қаратилган устувор вазифалар бўйича видеоселектор йиғилишида берилган топшириқлар ижросини таъминлаш ва ишларни тизимли йўлга қўйиш масалалари муҳокама этилди.

Шунингдек, жорий йилнинг 9 ойи якунлари бўйича белгиланган вазифалар ижроси, экспорт, инвестиция, саноат маҳсулотлари ишлаб чиқариш ва бандлик прогноз кўрсаткичларини таъминлаш бўйича амалга оширилаётган ишлар, 3-4 пилла мавсуми режалари таҳлил қилинди. 

Вилоят “Агропилла” МЧЖ раҳбарларининг фаолият самарадорлиги, аҳоли мурожаатлари билан ишлаш натижадорлигини ошириш масалалари кўриб чиқилди. Мавжуд муаммо ва камчиликларни бартараф этиш юзасидан аниқ топшириқ ва кўрсатмалар берилди.

Шунингдек, йиғилишда ипак қурти уруғи ишлаб чиқарувчи уруғчилик корхоналари фаолияти ҳам муҳокама қилинди.

Ипак қурти уруғлари етказиб бериш кўрсаткичларини сезиларли даражада ошириш, ипак қурти уруғларини юз фоиз маҳаллийлаштириш юзасидан атрофлича тушунтирилиб, тегишли топшириқлар берилди.

Гулноза Бобоева, ЎзА