Пәкістанның PIA әуе компаниясы 2022 жылдан бастап Өзбекстанға тұрақты рейстерді жолға қояды.

Бұл туралы Өзбекстан Республикасы Көлік министрлігі, Пәкістан Ислам Республикасының Өзбекстандағы елшілігі және PIA әуе компаниясы өкілдерімен өткен кездесуде айтылды.

Келіссөздер барысында ӨР Көлік министрлігінің Әуе көлігін дамыту басқармасының басшысы отандық авиация нарығына шетелдік авиакомпанияларды тарту, осы нарықтың барлық қатысушыларына қолайлы жағдай жасау бойынша қабылданып жатқан шаралар туралы толық ақпарат беріп, биыл әуежай қызметі үшін төлемақы 42 пайызға төмендетілгені және қажылық туризмі бойынша рейстерге 50 пайызға дейін жеңілдіктер берілетіні айтылды.

PIA әуе компаниясы Исламабад-Ташкент және Карачи-Ташкент тұрақты рейстерін ашу және бұл бағыттар бойынша рейстерді 2022 жылдың қаңтарынан бастап жолға қоюды көздеп отыр.

Кездесу соңында тараптар белгіленген бағыттар бойынша тұрақты әуе рейстерін орнату бойынша бірлескен жұмысты жалғастыруға келісті.