Британияда чиқадиган Sun газетасининг чоршанба куни гўё Москвада РФ президенти Владимир Путинга нисбатан суиқасд уюштирилгани ҳақида эълон қилган хабари ҳақиқатга тўғри келмайди, деди Россия етакчисининг матбуот котиби Дмитрий Песков РИА Новостига.

Sun нашрининг ёзишича, чоршанба куни пойтахт Москвада РФ президентига гўё суиқасд амалга оширилган, президент кортежи кетаётган йўлда портлаш содир этилган.  

Ушбу маълумот ҳақиқатми, деб берилган саволга, Песков “йўқ”, деб жавоб берган.  

Путин пайшанба куни эрта тонгда Самарқандга етиб келган. Бу ерда у  қатор икки томонлама учрашувлар, жумладан, ХХР раиси билон музокара ўтказган, жума куни эса ШҲТ саммитида иштирок этади ва Туркия президенти ва Ҳиндистон бош вазири билан учрашув ўтказади, дейилади РИА Новости тарқатган хабарда.