Перу әуесқойлар чемпионаты аясындағы футбол ойынында қайғылы оқиға орын алды.

«Фамилия Чокка» мен «Хувентуд Беллависта» клубтары арасындағы матч кезінде стадионға найзағай түсті. Төреші ойынды дереу тоқтатты.

Алайда футболшылар алаңнан шыға бастағанда тағы да найзағай жарқ етті және бұл жолы футболшыларға тиді. Салдарынан 39 жастағы Хосе де ла Круз қаза тапты, тағы 7 футболшы жарақат алды. Олар күйік жарақатымен ауруханаға жеткізілді.

Чилка муниципалитетінің азаматтық қорғаныс жетекшісінің айтуынша, найзағай футболшының қолындағы металл білезіктің себебінен тиген.