Перу ҳукумати ахборот агентлиги – ANDINA хабар беришича, ушбу мамлакат Ташқи ишлар вазирлиги чоршанба куни Колумбия ТИВ юқори лавозимли хизматчисининг Перудаги Лорето минтақасида жойлашган Исла Санта Роса манзили билан боғлиқ баёнотига норозилик билдирган.

Коммьюникеда маълум қилинишича, Колумбия ТИВ ҳудудий суверенитети департаменти директорининг Амазон дарёси бўйида, икки давлат чегарасида жойлашган оролга эгалик ҳуқуқи билан боғлиқ сўзларига норозилик билдириш учун ушбу мамлакат Муваққат ишлар вакили Эуфрасио Моралес Перу ТИВга чақиртирилган.

Шу орқали Перу ҳукумати Санта Роса Исла устидан суверенитети ва юрисдикция ҳуқуқини тасдиқлади.

ТИВ мазкур аҳоли манзилининг демократик йўл билан сайланган ҳокимиятини тўлиқ қўллаб-қувватлашини билдирган.

Таъкидлаш жоиз, бу ҳудуд Бразилия, Колумбия ва Перу ўртасидаги уч томонлама чегарадан бир неча метр масофада жойлашган.