АҚШ әскери күштері Сауд Арабиясына әуе күштерінен туындайтын қауіптерге қарсы 200-ге жуық қосымша әскер жіберуді жоспарлап отыр. 

 
Оған қосымшат ретінде Патриот зымрандарының қуат көздері мен 4 радар жеткізуін мәлімдеген.

АҚШ қорғаныс күштерінің мұндай шешімге келуіне, 14-ші қыркүйекте Сауд Арабиясындағы Saudi Aramco мұнай компаниясына тиесілі мұнай өңдеу зауыттарына дрондардың шабуылы себеп болған. Дрондардың шабуылы нәтижесінде 2 мұнай базасында күшті өрт шыққан. Бұл Сауд Арабиясында мұнай өндірудің екі есеге - тәулігіне 5,7 млн баррельге азаюына әкеп соқты.

Осы жағдайдан кейін Пентагон басшысы Марк Эспер АҚШ президенті Дональд Трамп Таяу Шығысқа қосымша күштерді жіберуді мақұлдағанын мәлімдеген.