Ҳозирча АҚШ ва ХХР ҳарбий йўналишда олий даражадаги алоқани йўлга қўймаган. Бундай муносабатни тиклаш бўйича яқинда Сан-Францискода бўлиб ўтган Осиё – Тинч океани иқтисодий ҳамкорлик саммитида икки давлат раҳбарлари келишиб олган. Бу хулосани Пентагон матбуот котиби ўринбосари Сабрина Сингх журналистлар учун уюштирилган брифингда маълум қилган.

– Ҳозирча ҳеч нарса дея олмайман, – деган у. – Албатта, мулоқотни қўллаб-қувватлаймиз. Ўзларингизга маълум, Президент Жо Байден Сан-Францискода ҳарбий йўналишдаги алоқа қайта тикланади, деди.

Сингх таъкидлашича, Пентагон раҳбари Ллойд Остин ХХР мудофаа вазири билан ҳозирча музокара олиб боролмайди, чунки Пекин ушбу лавозимга ҳали ҳеч кимни тайинлагани йўқ.

Октябрь ойида ХХР мудофаа вазирлигидан бўшатилган Ли Шанфунинг ўрни ҳозирча бўш.