AQSH Rossiyaning Ukrainada harbiy mag‘lubiyatga uchrashini istaydi, deb bayonot berdi Pentagon vakili Jon Kirbi brifingda.

"Biz janob Vladimir Putin va Rossiya armiyasi Ukrainadagi janglarda mag‘lubiyatga uchrashini ko‘rishni istaymiz. Chunki gap Ukraina hududi, uning suvereniteti, yo‘q qilib yuborishga mahkum qilingan fuqarolarining hayoti haqida bormoqda. Tabiiyki, biz urush tezroq tugashini, Ukraina o‘zining yaxlitligini tiklab olishini istaymiz", — dedi Kirbi. 
Xabarda u  AQSH Ukrainaning Qrim va Donbassni qo‘lga kiritish bo‘yicha uyushtiradigan harbiy  amaliyotini ham qo‘llab quvvatlaydimi, deb bergan savolga javob bermagani aytilmoqda.