Pensiya jamg‘armasi ijtimoiy tarmoqlarda tarqalgan ayrim xabarlarning yolg‘on ekanligini ma’lum qildi
Yaqinda ijtimoiy tarmoqlar – Telegram messenjeridagi kanal va guruhlarda go‘yoki O‘zbekiston Prezidenti tomonidan 1 iyun – Xalqaro bolalarni himoya qilish kuniga sovg‘a sifatida barcha bolalarga 200 ming so‘mdan tarqatilishiga oid xabarlar tarqalmoqda.
"Mazkur xabar yolg‘on va haqiqatga mos kelmaydi", deydi Moliya vazirligi huzuridagi byudjetdan tashqari Pensiya jamg‘armasining ijro etuvchi direktori Abdulaziz Haydarov.
Eslatib o‘tamiz, aholi o‘rtasida yolg‘on axborot tarqatganlik uchun javobgarlik mavjud, deya raddiya beradi.
O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasi Matbuot xizmati.
O‘zA