Куни кеча Тайванга ташрифи билан Америка ва Хитой муносабатларида кескинлик келтириб чиқарган АҚШ конгресси вакиллар палатаси спикери Нэнси Пелоси бугун Японияга келди.

Киодо агентлигининг ёзишича,  Осиё сафарини давом эттираётган Нэнси Пелоси бошчилигидаги делегация ўтирган махсус борт бугун Японияга келиб қўнган. У Токиога Жанубий Кореядан келди. Жума куни Пелосининг Япония бош вазири Фумио Кисида билан учрашуви белгиланган. 

Пелосининг Осиё сафари Сингапур, Япония, Жанубий Корея, Малайзия ва Тайванга ташрифи билан ўтмоқда. Биринчи куни у Сингапур ва Малайзияда бўлди. Сўнгра Тайванга келди. Тайван ташрифи Хитойнинг  кескин норозилигига сабаб бўлди.  

АҚШ конгресси вакиллар палатаси спикерининг Тайванга  ушбу сафари 1997 йилдан буён илк бор кузатилмоқда.