АҚШ Конгрессига оралиқ сайловлар натижасида демократлар қуйи палатадаги кўп ўринларни йўқотмоқда. Вакиллар палатаси спикери Ненси Пелоси фракция етакчиси лавозимига номзодини қўймаслигини маълум қилди.

Қўшма Штатларнинг энг нуфузли аёл сиёсатчиларидан бири Пелоси “Демократик фракцияга ўзим ҳурмат қиладиган янги авлод вакилига раҳбарлик имкониятини бериш вақти келди”, деди у Конгресс қуйи палатаси йиғилишида.   

Демократлар оралиқ сайловлардаги мағлубиятини тан олмоқда, деб ёзди “DPA” агентлиги. “Аммо Пелоси депутат бўлиб қолади. Республикачилар етакчиси Кевин Маккарти қуйи палатанинг янги спикери бўлиши кутилмоқда.  

Вакиллар паласи спикери лавозими АҚШ сиёсий мартабалари ичида Президент ва вице-президентдан кейин учинчи ўринда туради.    

82 ёшли Пелоси 2007 йилда Вакиллар палатаси спикери лавозимини эгаллаган биринчи аёл бўлганди. 2011 йилда лавозимини тарк этгач, 2019 йилда ва икки йилдан сўнг, яъни 2021 йилда қайта спикер этиб сайланган эди.  

Пелоси жорий йил августида Тайванга ташрифи ва Ереванга бориб, Озарбайжон ва Арманистон чегараларидаги тўқнашувлар юзасидан баёнот бериб, улар учун Бакуни айблаши билан танилган эди.  

Оралиқ сайловолди кампанияси давом этар экан, оммавий ахборот воситаларига кўра, босқинчи сиёсатчининг Сан-Францискодаги қароргоҳига бостириб кириб, турмуш ўртоғи Пол Пелосига ҳужум қилган. Ярадор касалхонага ётқазилган.  

Ненси Пелоси бу пайтда Вашингтонда бўлган.  

Аброр ХОН, ЎзА