Uzbekistan Airways aviakompaniyasi 25 noyabrdan boshlab Toshkent – Pekin – Toshkent yo‘nalishi bo‘yicha muntazam parvozlar sonini oshiradi. Parvozlar haftaning seshanba, chorshanba va shanba kunlari amalga oshiriladi.

Shuningdek, O‘zbekiston milliy aviatashuvchisi bugundan boshlab haftasiga ikki marta – seshanba va juma kunlari Toshkentdan Tailandning Pxuket oroliga muntazam aviareyslarni amalga oshirishni boshladi. Toshkent – Pxuket yo‘nalishi bo‘yicha aviachiptalar narxi 6062 000 so‘mdan, Toshkent – Pxuket – Toshkent yo‘nalishi bo‘yicha aviachiptalar narxi esa 10 491 000 so‘mdan boshlanadi.

Roman Bondarchuk tayyorladi, O‘zA