Pekinda uch yoshdan o‘tgan bolalarni COVID-19 ga qarshi emlash boshlandi
Xitoy hukumati saytida shu haqda xabar berildi.
"28 oktyabrda Pekinda 3 dan 11 yoshgacha bo‘lgan bolalarni koronavirusga qarshi vaksinatsiyalash ishlari rasman boshlandi", - deyiladi xabarda.
Xitoyning sog‘liqni saqlash masalalari bo‘yicha davlat qo‘mitasi tarqatgan so‘nggi ma’lumotlarga ko‘ra, xitoylik shifokorlar shu kungacha COVID-19 ga qarshi 2,25 milliarddan ortiq emlashni amalga oshirgan.
Kelasi yilning fevral-mart oylarida Pekinda qishqi Olimpiada va Paraolimpiya o‘yinlari bo‘lib o‘tadi.
Xitoy hukumati avvalroq koronavirusga qarshi to‘rtta vaksinani ma’qullagan edi.
Xitoyda emlash jarayoni tekin va hohishga qarab amalga oshirilmoqda.