“Пахтакор” футбол клуби Ўзбекистон профессионал футбол лигаси (ЎзПФЛ) томонидан шакллантирилган барқарорлик рейтингида 2025 йилнинг энг яхши клуби деб топилди. Мазкур рейтингда жамоаларнинг чемпионатдаги, шунингдек, мамлакат кубогидаги натижалари инобатга олинган.

Суперлига регламентига мувофиқ, клубларнинг барқарорлик рейтинги шакллантириб борилади. Ушбу рейтингни юритиш тартиби регламентда батафсил белгилаб қўйилган.

Жорий йилги рейтинг натижаларига кўра, “Пахтакор” клуби яққол етакчиликни қўлга киритди. “Насаф” ва “Динамо” жамоалари эса кучли учликни якунлади.

Регламентда белгиланган тартиб асосида сўнгги беш йил давомида қайд этилган натижалар таҳлил қилинади.

Жавоҳир Тошхўжаев,

ЎзА