Футбол бўйича Ўзбекистон Суперлигасининг 29-тури марказий баҳсида “Пахтакор” “Насаф” клубини қабул қилди.

Пойтахтимиздаги “Жар” стадионида ўтказилган мазкур учрашувнинг биринчи бўлимига қўшиб берилган дақиқаларда Игор Сергеев ҳисобни очди. Иккинчи бўлимда ҳар иккала жамоа бир қатор хавфли вазиятлар содир этган бўлса-да, ҳисоб ўзгармади.

Натижада “Пахтакор” ўйинда зафар қучиб, очколарини 59 тага етказиб олди ва иккинчи поғонага кўтарилди. “Насаф” эса 58 очко билан учинчи ўринга тушиб кетди.

Дарвоқе, “Сурхон” ва ОКМК клублари баҳсида ҳисоб очилмади.  

Жавоҳир Тошхўжаев, ЎзА