Халқ депутатлари Пастдарғом тумани Кенгашининг бугун ўтказилган навбатдан ташқари сессиясида ташкилий масала кўрилди.

2024 йилдан июнь ойидан буён туманга раҳбарлик қилган Ш.Раҳмонов ўз аризасига кўра, туман ҳокими лавозимидан озод этилди.

Сессияда иштирок этган Самарқанд вилояти ҳокими А.Бобоевнинг тавсиясига кўра, Пардаев Жамшид Арзиевич Пастдарғом тумани ҳокими этиб тасдиқланди.

Ж.Пардаев мазкур тайинловга қадар Пастдарғом тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – иқтисодиёт ва молия бўлими бошлиғи вазифасида фаолият кўрсатиб келаётган эди.  

Ғ.Ҳасанов, ЎзА мухбири