Парвоз вақтида самолёт эшигини очган шахс ҳибсга олинди
“Asiana Airlines” (Осиё ҳаво йўллари) авиакомпаниясига тегишли самолёт эшигини парвоз тугамасдан очиб юборган кореялик фуқаро “тезроқ тушмоқчи бўлган”, деб ёзди “Sky News”.
Гумонланувчи, 30 ёшли эркак Жанубий Кореянинг Тэгу халқаро аэропортида учоқ қўнаётган пайт фавқулодда эшикни 700 фут баландликда очганидан сўнг қўлга олинди.
У расмийларга “клострофобия” ҳолатига тушгани, тезроқ салонни тарк этиш мақсадида эшик очганини айтди. Йўловчилар қоида бузарни тўхтатишга уринган, бироқ унинг фавқулодда чиқиш эшигини қисман очишига тўсқинлик қила олишмаган.
“Airbus” A321 самолёти пастлаётган, ҳали 700 фут баландликда пайти гумонланувчи фавқулодда ҳолатда эшикни очган ва учоқ саҳнига шу заҳоти кескин бўрон ёпирилган.
Самолёт ерга қўнгач, гумонланувчи полиция томонидан авиация хавфсизлиги қоидасини бузганликда айбланиб, ҳибсга олинган.
Ҳодиса натижасида тўққиз йўловчи касалхонага жойлаштирилди.