Og‘itma ovulida 40 ta oila, 200 dan ortiq qozoq millatiga mansub aholi istiqomat qiladi. U yerda tuman xalq ta’limiga qarashli 38-umumta’lim maktabi hamda tibbiyot muassasasi mavjud. Mazkur ta’lim dargohida 51 nafar o‘quvchi hamda 18 nafar oliy ma’lumotli o‘qituvchilar faoliyat olib bormoqda. Bu yerdagi aholi asosan chorvachilik va baliqchilik bilan shug‘ullanadi.

Targ‘ibotchilar tomonidan “Bu — mening partiyam!” loyihasi doirasida aholiga partiyaning maqsad va vazifalari haqida batafsil ma’lumot berildi. Partiya g‘oyalari mazmun-mohiyatini keng jamoatchilikka yetkazish, aholining bo‘sh vaqtini mazmunli o‘tkazish maqsadida tashkil etilgan uchrashuv doirasida ko‘ngilochar tadbirlar, estrada xonandalari ishtirokida konsert dasturi namoyish etildi.

E’tiborlisi shundaki, partiya tomonidan maktab jamoasiga sport anjomlari berildi. O‘quvchi yoshlar shirinliklar bilan siylangan bo‘lsa o‘qituvchilarga partiyaning qimmatbaho sovg‘alari ulashildi. Bundan tashqari, og‘itmaliklardan 18 nafari O’zLiDeP a’zoligiga qabul qilindi.