ӨР Олий Мажлис Заң шығару палатасы мен Сенат Қарақалпақстандағы оқиғалар бойынша тәуелсіз тексеру үшін бірлескен комиссия құрды.

Сенат ақпарат қызметінің дерегінше, тиісті шешім 15 шілдеде қос палата кеңестерінің бірлескен отырысында қабылданды және комиссияға омбудсмен Феруза Эшматова басшылық ететін болды.

Комиссия құрамына Өзбекстан Республикасы Олий Мажлисінің өкілдері мен халық депутаттары, үкіметтік емес, коммерциялық емес және қоғамдық ұйымдардың басшылары мен қызметкерлері енген.

Тексеріс жұмыстарының нәтижелері жарияланады және ол мәлімет Өзбекстан жұртшылығы мен әлем жұртшылығына жеткізілетін болады.