Парламеттік комиссия мүшелерi Қарақалпақстан Республикасында болған тәртіпсіздіктерде қатысқан Даулетмурат Тажімуратовпен кездесті.

Ombudsman баспасөз қызметінің хабарлауынша, Тәуелсіз комиссия мүшелері Хорезм облысы Үргеніш қаласындағы №11 тергеу изоляторында болып, ондағы тұтқынға алынғандар тұрмыс-тіршілігі, тамақтануы, медициналық қызметке қолжетімділігі, адвокат және жақындарымен қысқа мерзімді кездесулер өткізетін бөлмелер жағдайымен танысты.

Сондай-ақ, тергеу изоляторына қамауға алынған тұлғалармен әңгімелесу жүргізілген.

«Атап айтқанда, орын алған оқиғаларға күдікті ретінде қамауға алынған Д.Тажімуратовпен кездесті. Кездесу барысында Д.Тажімуратов адвокатпен қамтамасыз етілгенін және онымен кездесуіне қарсылық жоқтығын, отбасы мүшелерімен қысқаша кездесу өткізгенін, сәлемдемелер алып жатқанын айтты» делінген хабарламада.

Д.Тажімуратовтың айтуынша, тергеу кезінде де, уақытша ұстау изоляторында да оны азаптау, қысым көрсету, қудалау болмаған. Ол уақытша ұстау изоляторындағы тамақтың сапасы мен басқа да жағдайларға еш қарсылығы жоқ екенін айтқан.

Парламенттік комиссия мүшелерінің сапары барысында күдіктілердің тергеу изоляторында және тергеу барысында олардың құқықтарының бұзылмағанына, психикалық және физикалық азаптауларға жол берілмейтініне куә болғаны айтылады ресми ақпаратта.